韓國另一「長腿Oppa」李光洙因為演出人氣節目《Running Man》(RM)而喺亞洲爆紅,仲先後接咗唔少廣告代言,除咗有大家都知嘅香港牌果汁糖之外,光洙最近亦都為韓國牌人氣香蕉奶拍咗個中文版嘅廣告。

廣告一開頭,光洙就著住中國傳統嘅黑色唐裝狂奔,想逃離後面想撕走佢背脊貼住印有香蕉奶個名嘅名牌嘅幾個人,好似拍緊《RM》咁。

點知走到去一間屋仔入面之後,發現自己走頭無路,光洙就突然喺身上拎出一支香蕉奶,飲咗一啖之後變身成李小龍,仲學李小龍叫,又起飛腳,又跳高又出雙拳,打得勁投入,最後當然唔少得一個飲奶鏡頭。

雖然成個廣告得分幾鐘,但就再次引起網友瘋傳。

另外,光洙亦都為香蕉奶品牌影咗輯相,仲揸住公仔扮得意添。