呢位Becky同事隸屬公司某個小部門, 同大家係公事上甚少來往, 我入職左年半, 大家嘅email往來都係得兩三個。公事上無交手, 私地下亦都唔相熟。公司成層樓咁大, 如果唔係特登走過去搵佢, 分分鐘一個星期都唔會碰面一次。

大家係工職上、或私底下都相距甚遠, 本來都諗住呢啲生命中嘅過客, 唔會點搞到我。但係點知今朝有返到公司, 檯頭就收到份紅色炸彈!!


喂, 我唔係同你好熟咋喎, 叫我嗰日早啲到?! 仲叫我俾人情??!


再打開張喜帖, 見到婚紗相都影得幾好。不過女家結婚唔係要派餅卡嘅咩?? 得封利是??!

唔緊要, 折現仲好!!



一打開封利是, 嘩X! 現金就無喇! 現金劵就有! 傻的嗎!!

我同啲同事都唔知俾咩反應好, 一黎又唔知去唔去好; 二黎得份咁嘅回應, 真係第一次見!!