24歲盛女Whitney(阮嘉善)大前年參加大台真人騷《求愛大作戰》,因為最靚最索成為新聞人物,同年她閃嫁媽模陳靜儀(Mia)前夫莊家傑,一度與Mia隔空互數,當時兩公婆一條心對抗外敵,感情有增無減,未料Whitney前年誕長子Chalmers後,於去年陀B女期間,忽然在網上宣布離婚,後經婚姻輔導員協助下破鏡重圓,未料只維持半年,有指因買樓撻定損失60萬,Whitney於上月與莊家傑簽紙離婚。


■去年鬧婚變後,Whitney與莊家傑和好並經常在網上曬家庭照。

盛女Whitney2013年閃嫁「媽模」陳靜儀(Mia)前夫莊家傑,明知男方冇錢冇家底,仍願意隨他過清茶淡飯生活,前年誕下長子Chalmers,去年9月再誕得意B女Valerie湊成好字,她亦不時在Ig貼一家四口合照,溫馨家庭令人羨慕,但本報收到消息,Whitney與莊家傑原來上月已簽紙離婚,更有指Whitney對莊家傑終極心死,與她去年交託做地產經紀的莊家傑買樓,最後因按揭問題被迫撻定,令Whitney損失60萬血汗錢有關,加上Whitney已有追求者,令Whitney終於的起心肝離婚,Whitney日前在銅鑼灣接受《蘋果》訪問,堅決否認離婚涉及第三者:「我哋再見仍是朋友。」


■Whitney日前接受本報訪問時,透露去年榮升業主不成,撻定蝕60萬血汗錢。

目標有差距

Whitney說:「其實一般情侶由拍拖到結婚、離婚都有一段故事,唔想一一去講,今次係大家都經過深思熟慮,再見仍然係朋友,小朋友會跟我,但佢都會安排時間見小朋友。」問Whitney離婚原因,是否如傳聞所說與去年買樓不成有關,還是因為有新追求者?Whitney即時澄清:「一定冇第三者,雙方都冇,我同家傑都聽到呢啲傳聞,唔想畀機會人製造新聞,係有朋友關心我,即刻介紹男仔畀我,但現階段唔會接受,只會將心思放喺仔女身上,唔想有人借機會製造假消息,我哋喺和平氣氛下決定呢件事,分開因為大家思想同目標有好大唔同,兩個人都已經盡咗力。」

考慮做幕前


至於買樓撻定事件,Whitney無奈說:「間樓係撻咗定,乜原因唔想詳細講,只可以話係計錯數,因為我係自僱人士,按揭部份計錯數,最後惟有撻定,都損失咗60萬,係好心痛,但為咗仔女要堅強,係一個經驗,惟有努力工作。」她承認過往一直有經理人公司斟洽合作,她說:「我從來冇發明星夢,如果有,我一早入咗行,所以之前有人搵都拒絕咗,但係為咗一對仔女,要為佢哋將來諗,




13年參加大台《求愛大作戰》嘅「盛女」Whitney,同年突然宣布閃嫁「媽模」Mia的前夫莊家傑,繼而Mia同莊家傑互數不是,當時Mia拋出因果論「祝福」Whitney話︰「你今天種下的因,將得到我今天的果,祝你好運。」結果,真係被Mia講中。

Whitney同莊家傑上年生咗個仔後,不時喺網上曬恩愛,到前日Whitney再喺微博po兩公婆合照,宣布再度懷孕,仲公開話今胎係佗B女。但昨日(1日)Whitney突然喺facebook宣布「分訊」,佢話︰「終於離婚了,相信有不小(少)人和我一樣感到開心解脫,我會努力照顧我最愛的小孩們,我的事業、我的品牌一樣會如常進行新產品,大家不用擔心。」

嘩!十足十電影橋段,其實上月11日Whitney喺fb 仲po緊莊家傑餵奶片,表示︰「這個人現在變得很稱職了,好吧,再分多點愛給你,啜啜啜啜啜。」估唔到咁快就離婚。究竟發生咩事?Whitney喺昨日回應話離婚唔關第三者事,記者今日再打畀佢,佢已經冇聽電話,之後再打畀莊家傑,佢好冷靜咁話︰「你打番畀佢(Whitney),我唔方便講嘢,Bye Bye!」

至於估中曬的莊家傑前妻Mia又點睇前夫同Whitney離婚?佢今日透過短訊回覆話︰「他們的事,我不想把小朋友牽涉在內。一些預期會發生的事不需要回應了!」據了解,莊家傑其實只是一名居於大埔的屋邨仔,返朝九晚五的白領,佢同Mia離婚時,就被Mia公開指責佢無畀家用,供養一對仔女,家傑與Whitney仲曾經同Mia展開罵戰,事件甚至驚動莊媽媽,幫理不幫親,寫信力撐Mia是一個好老婆、好媽媽。


Whitney同Mia前夫莊家傑離婚,婚後經常曬恩愛,而Whitney仲陀住第二胎,估唔到噚日就宣布要離婚。


Whitney前日先公布懷第二胎。


之前仲好恩愛。


媽模Mia同莊家傑生咗一仔一女,但離婚後佢要獨力供養一對仔女,佢鬧爆莊家傑並無畀家用。