仲記得兩年前,我啱入公司冇耐,系遊戲公司來的,佢比我遲入大概2個月,當時我地唔同部門,而E家我地依然唔同部門,佢叫啊雯,當時佢系公司做設計,主要設計遊戲推廣圖之類的工作,而我系做遊戲推廣的,我叫啊俊。

     當時我地唔同部門,但係公司只有1層,我地坐得比較近,其實我第一次見到佢,就中意咗佢,我都唔信一見鐘情,但係呢種感覺真係好奇妙!當時我有女朋友,而我女朋友系一個霸道怪,乜嘢都要管,又現實,中記得當時我地日日嘈,嘈到分手都唔知道幾多百萬次啦!我真係頂唔順然後就分手囖~跟住我就對啊雯展開追求,點知原來佢一早對我有feel,後來好順理成章咁系埋一齊(此處省略100000字....

      到了我記得系大半年的時候,我地之間出現了啊貓,那個時候啊雯老豆阿媽去了旅遊幾日,而佢系獨生女,一個人在家的話,我順理成章就去佢度訓幾日啦~其他野唔講,我系好似第三日噶時候,佢去沖涼我無意中發現佢手機裡面有個叫阿貓的男生,好曖昧的稱呼佢做“寶寶”,我相信10個男人11個見到都知道咩事,我當時咩都無講,就黑咗塊面,佢沖涼之後見到我黑曬口面,問我做咩!

我:啊貓邊個來噶?點解稱呼你做寶寶?

佢:學校D師兄來噶,學校D人都咁叫我噶啦!

我:咁個個都咁叫你噶咩?你唔覺得有問題?

佢:稱呼來姐,最多以後唔蘇佢。

我:佢知道你有男朋友嗎?佢有無溝過你?

佢:有啊,之前佢系我屋企附近等過我,有約過

我:咁你有無出去啊?

佢:有啊,不過都係一班人出去的,我好早就翻咗屋企了

我:如果有個女生咁叫我,你會點?

佢:.................

後來我大發雷霆,兩個人攬住喊,到最後我原諒咗佢,我話以後唔好再咁,既然你對佢無FEEL,知道佢用意圖謀不軌的話,不如刪除咗佢啦。後來佢刪除咗,我就放心了!

         第二次發生在一年左右,呢次系公司的人,叫香爐,呢個人系公司公認噶花花公子,之前已經溝不少女讓成個公司都知道了,而且佢地之間加了Wechat,一日傾埋曬D曖昧野,雖然我知道啊雋對佢無意思,但係我怕佢唔表明態度會讓人誤會,當我同佢講叫佢同個男講清楚噶時候,佢竟然同我講,人地我都拒絕咗啦,唔洗刪除吧?唔系以後見到會好尷尬...因為工作上面有交流噶!後來我地嘈咗好多次...最後佢都妥協並刪除咗,雖然我覺得自己有點小心眼,但係我絕對唔容許圖謀不軌的人那樣做,如果是正常的人我無任歡迎...

          第三次我發現咗D野,就係有一日我拿佢手機睇Wechat,佢好緊張咁搶過來,我問佢系唔系身有屎,佢話無,佢話每個人都有秘密,呢個秘密連你都唔可以知道。我頓時呆了,如果對我無威脅,我相信就算死人咁大件事,我都有權知道,結果她沒有告訴我,到我最後慢慢查出來,慢慢講道理,後來先講,系因為跟一大堆男女去私底下做遊戲,佢系屬於設計遊戲畫風的工作。

           我問佢點解隱瞞,理由系:我如果講咗出來你一定唔俾我咁做!咁我後來就反問佢

我:咁如果我話我唔俾你出軌,你以後又唔同我講?

佢:.........兩件事根本唔可以拉埋一齊講

我:咁如果系好事,我無理由唔讚成噶

佢:咁我都唔系乜嘢都要同你講噶姐

我:兩個人相處最緊要坦誠,連呢D都唔講,以後點生活?

佢:既然我咁差,不如分手啦!

我:咁你唔霖下自己問題,點解第一時間唔系霖點去改,而系第一時間逃避?

佢:咁你要俾時間啊,唔系一下子就改到架,我需要時間啊!!!

我:咁你要幾耐?一年夠嗎?有無期限?

佢:我唔知啊!不過我會努力啊~

咁好啦!我又俾時間你改~但係唔好太耐啊大佬,唔系我根本睇唔出你有改啊!

             最近發生咗一件事,就係我想佢系Wechat朋友圈上面寫一句動態,主旨大概系:我有男朋友啦,其他人唔好埋我身啊,雖然我男朋友好專制,但係佢好愛我,好緊張我,結果佢寫咗幾句類似詩咁噶文質彬彬噶野!我第一時間睇唔明,上面回復的人說:好詩好詩

             我同佢講,我自己都唔明,人地更加唔明掛,可以講明白D嗎?佢同我講,我個人系咁噶風格,其實已經好明白噶啦~

             自從呢件事之後,我覺得呢個女仔已經好似有好多野瞞住我咁,根本就開始反抗了,雖然我承認我有時候系過度緊張,但係我緊張系因為之前有過幾次不愉快的經歷,同佢唔識點去handle呢D事,我只不過給佢個方向,讓佢杜絕這樣的機會發生而已!

             佢每次講得最多噶系:咁系唔系我就唔可以有異性朋友?唔系個個異性都係你霖咁衰,唔系個個都有企圖。我承認,但係有企圖的人,一定要杜絕,我都係將有企圖的人剷除而已