東南亞各個國家,是神祕之國度,什麼養鬼仔、落降頭、下蠱...等!而這故事是有關一個傳聞...

相傳養鬼仔中,有一種叫火燭鬼;這類鬼仔通常是一群咁養,好似請伙記咁。而這群[伙記]的工作是...人在賭時贏錢,必是運氣旺之時;而運氣旺之人,在其印堂及兩邊肩旁之[天燈位]定必火旺。而這班火燭鬼便是負責減弱好運之人的火勢,拍滅兩肩[天燈]之火;因此賭仔賭錢常說:「哪!咪鬼搭膀頭呀!」而雲頂高原賭場大酒店,身為東南亞賭錢首選,唔請番啲火燭鬼點掂呀!但請了多少呢?可以告知你酒店封了一層用來給[員工]住,這一層永遠不開燈,就算升降機停下也不開門,就算開門 Lift 外也有大鐵閘鎖著,各樓梯之大門也是鎖著的,是那一層呢?不能說,因火燭鬼也要私隱,也怕狗仔隊......(Kidding!!)

故事從一個星、馬、泰九天團開始......

領隊阿John帶著31人從泰國開始、再到馬來西亞、最後才到星加坡...九天泰馬星才對!而原本32人的一團,因團友中阿豪兩夫婦在出團前一天鬧了場大交,使只有賭鬼阿豪單人而來,使這團成了31人,而阿豪便成了John的同房客人,而故事也開始了......

第六天黃昏,在車上阿John道:「好了!仲有十五分鐘就到今天晚上所住的雲頂高原大酒店。其實到了今天已第六日了,這幾天大家冇馬跑、連六合彩都冇得玩,實有 d 失落感 ga 啦,由其每晚看住我同房阿豪哥,比睹蟲不停咬,害我幾鬼擔心...又比佢嘈到冇覺好瞓,哈!哈!講笑啫!但今晚一定有覺好瞓,因為佢成晚都喺賭場嘛!但大家去創業興家前,先提大家晚膳及明天集合時間,因如過了時仍未出現,我就當你嬴緊錢(賭緊錢),咁大家就唔等你哪!記得返嚟請大家食餐好就得哪......

巴士一到,各人便在lobby等分房,第2...3...4...5...15間,「好,一切弄好,」John回頭想找阿豪,但發現阿豪未等分房,早已帶著行理消失了,John還心想:『 等埋分房都等唔切,拿埋啲行理唔通用嚟晒你冷...!『 因此John在櫃台留下阿豪資料及所住房號,便和導遊各自回房......

07:00 pm
用晚膳集合只有26個,更有趣是去了賭的人中,除阿豪外全是別人的父親,留下老婆仔女和團友去吃飯,自己就走去Happy
08:45 pm
用膳後回到酒店,5大賭客正拼命中...阿豪仍未拿櫃台之門卡
10:30 pm
已有二人回到老婆身邊...阿豪仍未出現櫃台
11:45 pm
John仍未見阿豪回房,開始覺得阿豪在賭場太久了,快8個小時了。

於是John便走到賭場去找阿豪,但四處也找不到,更在VIP房看著另外兩名爸爸失意地回去,5人中4個比阿豪遲的客人也已回房,但仍未見阿豪出現。阿John決定先致電4名賭爸爸,確定有否人曾看見阿豪。誰知原來到了雲頂後,便沒有人見過他了,反而 4 名爸爸盡階互相碰到。這刻...John開始驚了......

01:00 am
阿豪不見了9個小時, John決定致電導遊......

「喂 !阿豪一直冇出現,櫃台門卡仍未拿,他不見了9個鐘頭哪......!」
「什麼?你有否找清楚呀?」
「有呀!我在賭場找了很久也找不到!到洒店後就冇人見過佢哪!」
「唔係咁煩呀!咁我依家落嚟幫手哪!」

不到5分鍾,導遊出現......
「情況點呀?從那裡再找呀?」
「成9個鐘頭..................佢會...唔會.........喺果層樓呢?」
「果層...樓!......唔會啩!」
「如果...真係...呢?」
「成...9...個鐘!.........!快!快找大堂經理!」

二人立即到櫃台,找到大堂經理並告知一切,更要求到(果層樓)一看......

「唔會哪!(果層樓)lift門都唔會開,個客點走到入去呀!」
「求吓你啦!唔見咗9個鐘啦!一齊去(果層樓)睇睇買個安心呀!」
「唉!(果層樓)得三條Keys開閘,一條响大Boss度,但佢正放大假...另外兩條喺兩個大堂經理之手,我已致電早班經理,佢話今日冇用過!而我今晚又冇人用過,咁個客點可能响(果層樓),除非係穿牆而入哪......

但經理講不服二人,只好一直講,一邊同二人上(果層樓)......

到了(果層樓)...
經理立道:「我開門開閘,但唔會同你哋入去找呀!都話唔可能,係要......

門一開,不用找了,因從lift內燈光看出去,阿豪正喺(果層樓)跪在閘前,雙眼失神地搖著鐵閘,口中只不停說著3句說話............放我出去......唔好拉住我呀!......點解拉我上嚟......

各人立即救他入lift,但9個小時被困在毫無燈光的(果層樓),已使阿豪精神失常,只會說那三句話.........放我出去...唔好拉住我呀!...點解拉我上嚟...

行程仍要繼績,但已神志不清的阿豪只能立刻送回港。

行程完畢,John一回港立找阿豪,但已經要到青山精神病院了。而看見豪對著老婆只會說:「...放我出去...唔好拉住我呀!...點解拉我上嚟...

心痛的John醫生情況,反被醫生反問John:「 阿豪究竟遇到乜嘢野,這一定是十分可怕,來得極突然,及超長時間的痛苦...!」

自此,內疚又心痛的John便常來探阿豪,更因內疚而轉行,一直到9個月後......

阿豪治療了9個月後己差不多復原了,更能記回當天的事告知John......

...當日一到lobby便有一個服務生幫我拿了行理,說帶我上房,我以為你知我心急去賭,便找人先安頓我,我便跟他上去...沿路十分正常,誰知正要開門入房時,全層突然沒有了燈,服務生也不見了...反之四週出現了很多鬼怪,它們一邊大叫嚇我,一邊追著我。我發狂地四處跑找出口,但完全被鎖住,我跑返電梯時又多咗個閘,那刻我便失去意識了...直到上星期我才醒來一般,但原來我已瘋了9個月了...

John
怒道:「那服務生個樣點㗎?我實會教訓他,等他不可再害別人。」

但當阿豪型容完畢後,John呆了。

因阿豪所型容的,那是20年前的服務生制服......        


新闻转载自:xuete日志


       

请点击图片加入facebook:(天天都有鬼故事)                



       


       


请点击图片加入Google+:(天天都有鬼故事) 
       



       


点击加入:每天都有让美女“笑”的笑话        


         
       


  


请加入:纯灵异与恐怖的专业         


               
       



       


爱看鬼故事,请点击加入     


  请点击图片加入:(天天美女图、视频)                        
       


          



       



       



       





以上文章版权为作者所有,未经允许,不得转载。


Miko , 人称“鬼古妹”,嗜好是“吓人、整蛊”。