我係馬來西亞華僑。 我爸爸係一個資深導遊。 大家都知導遊預見靈異事件就哽係多啦, 但係今次我暫且唔講導遊鬼估住, 我先講一個我爸爸老友A叔叔同C叔叔嘅故事先。 我爸爸, A叔叔, 同C叔叔其實係認識咗幾廿年嘅老朋友兼同行。 好多係馬來西亞老一輩嘅導遊係後生果鎮都係泰國果邊做過導遊嘎, 換言之老一輩嘅導遊都識講泰文。        



    C叔叔係由細睇到我大, 個人好隨和, 除此之外C叔叔都冇俾過我一D特別嘅印象。 不過我就未見過A叔叔, 當老豆講個故事我聼果鎮我先知有A叔叔呢個人嘅存在。 呢個故事係發生係幾年前。 A叔果兩個女好好感情, 成對孖公仔咁, 人又靚, 又乖, 又孝順, 又後生, 當年19~20嵗仲係學生嘅佢哋讀書成績又好好, 又多人追, 真係好多令人羡慕。 我爸爸形容到好似古代果D三步不出閨門果0亭添。 當年佢哋從來都冇出過國旅行, 最多都係去下云頂 (相信靈異愛好者都一定對呢個地方好熟悉) 同埋幾個本地嘅旅遊熱點行下, 所以都未曾出過遠門。        



           果年佢哋啱啱入咗大學冇幾耐就開始咗佢哋係校園另一般嘅生活。 大家都知道啦大學嘅生活哽係俾起中學時期嘅生活好玩好多啦。 佢哋係大學到認識咗好多朋友, 於是自己嘅生活圈子都漸漸地擴張。 佢哋係一D較爲文靜果種女仔, 但係當佢哋認識朋友多咗之後, 朋友就有震時會講下同父母或則男女朋友出國旅行嘅嘢果鎮, 其實佢哋都好想出去玩下。 後生仔女就哽係想出去玩下啦, 都好正常不過。        


 

    有一日兩姐妹咁啱一齊考完試放假而且仲放成幾個月添。 大妹 (家姐) 就係度諗 “放咁耐假, 好悶啫! 而且我又未自己出過國旅行, 但係我一個人去老豆一定唔俾嘎啦。 唔唔唔…… 不過如果叫埋細妹 (大妹個妹) 都可能有機會啵?” 所以大妹就走去問細妹睇下佢想唔想出國旅行。 其實大妹呢鋪已經去意已決, 如果細妹唔想去, 佢都會諗D計仔氹掂細妹無求令佢say yes。 當大妹開口問細妹果鎮細妹就突然打斷佢話 “家姐! 原來你都想去啊??不過我有驚你唔想去, 咁老豆就一定唔會俾我自己一個人去嘎~!” 。 點知原來細妹都係咁諗。 好啦, 大妹聽就哽係好開心啦。 兩個就一齊去問老豆睇下老豆果關過唔過到。 開頭A叔叔都唔係好想俾佢哋去, 因爲始終兩個女仔都未曾出過遠門, 有咩事上嚟咁點算呀?為人父母個個都係擔心同關心D仔女嘎啦。 不過幾日嚟係大妹同細妹嘅苦苦哀求之下, A叔叔終于開口問 “點呀你哋, 究竟想去邊呀??! !” , 唔使講, 老豆哽係投降啦。 兩姐妹聽到老豆咁問就知道老豆終于投降喇。 大妹就好開心咁話 “我哋要去泰國! ! !” 。 A叔叔唯有俾佢哋去啦。 冇計啦, 鬼叫自己咁錫果兩個女咩。 不過我深信, 如果有得俾A叔叔簡多次, 佢一定…絕對…唔會俾佢哋去。        



    大概一個禮拜之後兩姐妹執曬行李準備好兩個人去泰國玩。 呢兩姐妹其實好慳錢, 食嘅同住嘅都盡量慳D, 想話留返D錢嚟去其它地方玩。 所以食就食一D街邊檔攤 (其實果D先至最地道最好食) , 住就住一D好平嘅酒店。 第一日落機到曼谷再搭成個鐘頭的士就到達咗曼谷市中心嘅一閒酒店 (老豆目前唔係身邊所以問唔到閒酒店名, 遲D補返) , 當時已經係傍晚6點鈡。 兩姐妹就去check-in攞鎖匙上房。 細佬女即係細佬女, 好多禁忌都唔識。 佢哋攞坐鎖匙之後就上房, 仲唔敲門就入去。 其實係馬來西亞, 如果唔係一D對靈異比較關注或則受英語教育長大嘅人 (完全唔識講中文, 冇乜中國人傳統) 係唔會識呢D野嘎, 更何況係細佬女吖, 所以都唔怪得佢哋。 佢哋一入到房就擺底曬D行李之後二話不説就出咗去祭下五臟廟。 事關食完飯都成8點鐘, 行下夜市之後都成10點鐘。 而且兩姐妹都唔鐘意夜生活同飲酒。 所以行完夜市之後就返酒店休息。        


           
               有冇諗過其實有一只跟咗你返去?            


    閒房一開門, 左邊係廁所, 再入D係張梳妝臺, 張臺前面就係兩張單人床。 我諗大部分酒店房都係差唔多啦。 返到酒店房大妹就將D衫褲褂攞曬出挂起佢, 而細妹就攤咗係張床到禁遙控睇電視。 “郭! 郭! 郭!” , 原來有人敲門。 大妹就擺低D衫褲去開門, 點知一開門……冇人?大妹就以爲自己聼錯, 就閂埋門繼續挂起D衫。 隔咗幾分鐘, “郭! 郭! 郭!” , 又嚟???大妹就行去門由防盜眼度望出去但係見唔到有人, 一開門, 走廊空空如也。 大妹唯有返入房啦, 細妹就問 “邊個敲門啊?” , “唔知呀, 唔見有人呀” 。 細妹都不以爲意咁繼續睇電視。 又隔咗幾分鈡, 敲門聲又再次響起 “郭! 郭! 郭!” 。 呢次大妹望住個門定咗一定, 對手揸住D衫褲定左。 呢次細妹就行去開門, 同之前一樣成條走廊都冇人。 細妹為由閂埋門。 “郭! 郭! 郭!” , 門聲再次響起。 細妹靜心聼下D聲音, 原來D聲音唔係由房門外傳入嚟, 而係由廁所傳出嚟! 奇怪喇! 廁所裏面點會傳出敲門聲?大妹同細妹到酒店同食完晚飯返嚟都未去過廁所, 而廁所門一直都係閂埋。 細妹將耳仔貼住個廁所門精心聼下, 但係都冇聲音, 細妹就唔知點解用手 “郭! 郭! 郭!” 敲左個廁所門3下。 突然閒, 裏面又傳出 “郭! 郭! 郭!” 3下敲門聲。 唔知細妹係大膽定係唔識死, 呢次細妹唔係 “郭! 郭! 郭!” 咁敲, 而係好大力咁 “PANG! PANG! PANG!” 拍咗度廁所門3下。 裏面又傳出 “郭! 郭! 郭!” 3下敲門聲! 細妹就一手打開個廁所門, 但係入面咩都冇。 之後細妹就同細妹話 “可能係隔嚟房嘅敲門聲。” 其實細妹講得幾啱, D平酒店好多時候都係咁, D牆好薄, 所以聼到隔嚟房D聲音一D都唔出奇嘎。 之後落嚟幾日都冇特別野發生, 然後就結束行程返咗大馬。 雖然講到呢度都冇乜恐怖, 但係下一頁所講嘅我覺得都幾驚嚇囖。        


    返到屋企之後果幾日, 細妹就病咗, 又屙又嘔又發燒。 睇醫生食葯都唔好, 總之就病到五顔六色啦。 A叔叔話可能係係泰國食咗D熱氣嘢啦所以先搞成咁。 大妹同細妹返嚟冇幾耐,有一日, C叔叔 (終于出場) 去A叔叔屋企探佢。 我爸爸, C叔叔同A叔叔都認識咗幾廿年而且又係同行, 所以大家耐唔耐就會去探下大家吹下水咁啦。 C叔叔係門口, A叔叔老婆開門俾C叔叔入嚟。 當時細妹係另外一個聼坐咗係度。 個樣好唔掂。        



A師奶: “嘩啊C, 咁耐唔見你嚟嘅?” 。        



           C叔叔: “係呀, 最近係吉隆坡度帶團呀, 好少返嚟呀。” 。        



           A叔叔係聼度睇緊報紙: “喂, 點呀…” 。 (當時細妹係另外一個聼坐咗係度。 個樣好唔掂。 )        



           C叔叔: “冇呀, 我尋日先由吉隆坡返黎, 今日就嚟搵你喇。”        



           A叔叔: “哦, 想飲D咩呀?”        



           C叔叔想答佢 “隨便得喇” 之際, 眼尾掃過坐係另外一個聼嘅細妹, 就即刻問A叔叔…….        



           C叔叔: “細妹去過邊嚟啊?! ?!”        



           A叔叔: “佢前上個禮拜同大妹去咗曼谷啊, 一返嚟就一直病到伊家都唔好。 一定係食埋曬D熱氣嘢食啦! 咩事呀?”        



           C叔叔面色一沉…… 跟住就起身行咗去細妹身邊, 望住細妹。 A叔叔就望住C叔叔行去細妹身邊, 係度唸 “究竟發生咩事呀?!” 。 C叔叔企係細妹身邊留意住佢眼神。        



           突然閒, C叔叔一手就抓住咗細妹只手! 就用泰文 (上面講過C叔叔後生果鎮去過泰國做導遊, 所以識講泰文) 好大聲講: “krai wa?!?! kamaihai peng har?!?! (意思:你係邊個?! ?! 點解你要搞佢?! ?! ) ” 。        



           細妹呢個時候真係好唔妥。 A師奶聼到C叔叔大嗌就係廚房度走咗出嚟睇下發生咩事。 A叔叔同A師奶一齊行咗過 去細妹身邊。 細妹呢個時候就用一種好兇惡嘅眼神望住C叔叔! 就話 “ork pai! mai chai reung khun!!!” (意思:唔關你事! 行開! 唔好理我! )。 呢鋪含撚…… 細妹盡然用泰文講嘢?! 細妹由細到大都未出過國, 而且仲係第一次去泰國, 冇理由識講泰文嘎! 而且最恐怖係……細妹係用一把男聲講泰文! 好明顯細妹已經俾一只男性靈体上咗身。        




           呢個時候C叔叔就話: “佢有咩得罪你, 你要搞佢呀?!” 。        



           細妹依然用一把男人聲話: “放手呀! 行開呀!”        



           C叔叔火都嚟埋, 跟住抓實細妹只手就開始念一D聼唔明嘅咒語! : “!@#$%^&*!@#$%^&*” 。 當C叔叔一開始念咒, 就即刻對個靈体殘生作用, 細妹就開始係度大叫: “啊啊啊啊! ! !” 。 個身仲不停係度震同典嚟典去! 眼見細妹想起身走之制, A叔叔就飛身撲過去, 因爲A叔叔都識泰文, 所以知道之前D對話, 而且都好清楚知道….自己嘅乖女俾鬼上身呢個事實。        



           C叔叔念咒念咗一陣之後就停咗再問: “做乜要搞佢呀?!”        



           細妹依然用一把男人聲話: “鬼叫佢係酒店房度同我玩呀?! 佢要玩啊嘛?我咪同佢玩囖! ) ” (上面講過, 細妹唔知點解同個靈体玩敲門)        



           其實到咗呢個地步都唔理佢講乜都好, 最緊要係要佢離開細妹身體先至最重要。        



           C叔叔: “咁你想點呀?洗唔洗返去泰國幫你做返D咁呀?!”        



           細妹突然變得好聲好氣好多話: “唔洗, 你去附近附近果閒印度廟幫我拜下得啦” 

。        


           事關最近呢度係一閒印度廟。 C叔叔為有應誠佢啦。 隔咗一陣, 細妹就慢慢平復返, A叔叔都松開手, A師奶就企係一邊眼濕濕。 大家一句説話都冇講。 隔多鎮, C叔叔就去附近一閒印度廟度幫佢做咗D嘢, 至於係D咩就唔知喇。        



           當大家聽到呢度, 我諗大家都終于松口氣, 而A叔叔同A師奶都慢慢開始放心D。 但係… 好不幸地, 幾日之後細妹好突然地過咗身。 點解細妹會突然過身?係個靈体唔守信用?定係細妹真係病的好重?呢D就俾大家慢慢諗喇。        



           後記:        


  •                之前我都唔知原來由細睇到我大嘅C叔叔係識法之人。 我都係聼完老豆講完呢個故事之後先知道原來C叔叔係後生果鎮曾經上山學過法, 好似係矛山之類。 而且佢都算係一個奇人, 事關佢有時候行行下街佢都會俾九皇爺 (係馬來西亞同泰國好出名嘅神明) 上身。            

  •                之後聼講話A叔叔一家人都傷心咗好長時間先可以平復返。            


           無論點解細妹會死都好, 始終都唔好信鬼講嘢最好。        


请点击图片加入facebook:(天天都有鬼故事)                



       


请点击图片加入Google+:(天天都有鬼故事) 

点击加入:每天都有让美女“笑”的笑话        

         

请加入:纯灵异与恐怖的专业        

       


爱看鬼故事,请点击加入       

  请点击图片加入:(天天美女图、视频)                        

         



以上文章版权为作者所有,未经允许,不得转载。


Miko , 人称“鬼古妹”,嗜好是“吓人、整蛊”。